Қымбатты оқырмандар, «КІТАПХАНА + ТЕАТР» жобасы өз жалғасын табуда.
Аталмыш жоба аясында кітапхана оқырмандарымен бірге «Қасқыр шөп жей ме?» қуыршақ ертегісін тамашалап қайттық.
Бүгінгі қойылымның ерекшелігі – кітапхана қызметкерлері көпбалалы аналарға қойылымға кіру билетін сыйға беріп, мереке қарсаңында балаларға тамаша көңіл-күй сыйлады.
Сонымен қатар, театр көрермендері мен оқырмандарға арнап әртүрлі жанрдағы ертегі кітаптар көрмесі таныстырылып, балалар ертегі кейіпкерлерінің қолынан қызықты кітаптарды сыйға алды.
