Қазақты тарихымен қауыштырған қаламгер Ілияс Есенберлиннің туғанына 110 жыл. Ол қазақтың алғашқы ханынан бастап, соңғы ханына дейін жазған ұлы жазушы. Осыған орай қазақстандықтардың зияткерлік және шығармашылық капиталын дамытуға бағытталған «КІТАП–АМАНАТ» жобасы аясында ашылған Шығыс Қазақстан облыстық филиалындағы «КІТАП-AMANAT» кітап орталығының бастамасымен бірлесе «Әр шығармасы бір әлем» атты әдеби сағат ұйымдастырылды. Оған Абай атындағы Шығыс Қазақстан гуманитарлық колледжінің студенттері қатысты. Оларға шоқтығы биік «Көшпенділер» мен «Алтын Орда» тарихи трилогиялары, «Қауіпті өткел», «Ғашықтар», «Айқас», «Махаббат мейрамы» атты романдары таныстырылды.
