Кітапхана қызметкерлері өз оқырмандарына арнап «Күз – береке, күз – молшылық» атты күзгі бал мерекесін ұйымдастырды. Шара әсем әнмен басталып, жаймашуақ «Жаздың» қызықты ойындарымен, «Алтын күздің» салмақты сауалдарымен, Орман атаның ізгі тілегімен жалғасты. Мереке барысында кішкентай оқырмандар да ән айтып, көңілді әуенге би билеп, өз өнерлерін ортаға салды. Сұрақтарға қызыға жауап беріп, өз белсенділігімен көзге түскен шара қатысушыларына күз ханшайымы тәтті-дәмділерді сыйға тартып, жүрекжарды тілегін жеткізді.
