Бүгін кітапханада Балалар жылы аясында өлкеміздің дарынды, өнерлі, білімді балаларына арналған «Маленькие таланты» атты жобаның алғашқы қонағымен кездесу болып өтті. Дарынды қабілетімен көзге түсіп, өте ақылды бала атанып жүрген Өскемен қаласы білім бөлімінің «№48 мектеп-қосымша білім беру орталығы» КММ 4-сынып оқушысы Әбілмансұр Алмазұлы өз қызығушылығымен, болашақтағы арман-мақсаттарымен бөлісті. Сабақты тек «үздік» бағаға оқитын кішкентай оқырманымыз домбыра, шахмат, логикалық математика үйірмелеріне, мектеп қабырғасында өтетін барлық іс-шараларға қатысады екен. Тарихқа жаны жақын 9 жасар Әбілмансұр І.Есенберлиннің «Көшпенділер» тарихи эпопеясын оқыған, Абылай ханды өзіне пір тұтады. Көрермендерге М.Мақатаевтың «Аққулар ұйықтағанда» поэмасын, М.Жұмабаевтың «Мен жастарға сенемін» өлеңін жатқа оқыды. Кубизм әдісі бойынша кішкентай оқырмандарымыз танымды сұрақтарға жауап берді. Кездесу соңында алғашқы жұлдызымызға кітап сыйға берілді, аталмыш кездесуді «Ұлан» республикалық газетінің болашақтағы сандарынан оқи аласыздар.
#библиотека #вко #ука #vkolibrary #кiтапхана #маленькиеталанты #балаларжылы
