Ұлыстың ұлы күні – Наурыз мерекесі кітапханамызда әлі де өз жалғасын табуда. Тарихы тереңде жатқан бұл дәстүрдің ұрпақ үшін берері мол. Осы орайда бүгін кітапхананың тұрақты оқырмандарына «НАУРЫЗ – 2022» атты тәрбие сағаты өткізілді. Шараға қатысушыларға Ұлыстың ұлы күні наурыз мерекесі және қазақтың салт-дәстүрі, әдет-ғұрпы туралы мағлұмат берілді. Ұлттық дәстүрімізді ұлықтаған бұл күні оқушылар әртүрлі сұрақтарға қызыға жауап беріп, өз білімдерін ортаға салды. Мұндай ерекше күнде бүлдіршіндер Наурыз мейрамының тарихы мен тойлау ерекшеліктері туралы ақпарат алып қана қоймай, «Арқан тартыс», «Асық ату», «Қол күрес», «Қыз қуу», «Орамал тастамақ» сияқты қазақтың ұлттық ойындарын да қызыға ойнады. Шараның сәнін келтірген көңілді әуендерге қатысушылар ән айтып, би биледі.
Шараға қаламыздың №9, №4 орта мектептерінің 1, 2, 3, 4 сынып оқушылары қатысты. Шара бірнеше рет қайталанды.
