5 қараша күні елімізге белгілі қаламгер, балалар жазушысы, ғалым, «Құрмет» орденінің иегері, халықаралық «Алаш» және «Жамбыл» сыйлықтарының лауреаты, Тарбағатай ауданының құрметті азаматы, біздің жерлесіміз, Шығыстың мақтанышы Ақыш Нұрдәулет Бабиханұлы кітапханамызда қонақта болып, оқырмандарымен кездесті. Кездесуге жазушының замандастары, Өскемендегі зиялы қауым өкілдері – ақын-жазушылар, журналистер және кітапхана оқырмандары, студенттер мен жастар қатысты. Қаламгер шығармашылығы жайлы әңгімелеп, шара қатысушыларының қойған сауалдарына жауап берді. Шара барысында жазушының балалық шағын еске түсіретін, бала кезінен сүйіп тыңдайтын «Алқоңыр» әні орындалып, «Несиесіз несібе» туындысынан шағын сахналық көрініс қойылды. Сондай-ақ, биылғы «Балалар әдебиеті» жылында атқарылған және алдағы уақытқа жоспарланған жұмыстар да талқыланып, бүгінгі балалар әдебиеті және оның өкілдері жайлы да әңгіме өрбіді. Кездесуге арнайы шақырылған қонақтар Нұрдәулет Ақыштың жазушылық, ғалымдық, азаматтық қырлары жайлы өз пікірлерін айтты.
