Биылғы жылы кітапханада жыл сайын дәстүрлі түрде ұйымдастырылатын «Оқу мейрамы-2024» осындай атаумен өтті.
Оқу мейрамы кітапханамыздың тұрақты оқырманы Сейтжан Медина Талғатқызының орындауындағы көңілді ән шашуымен басталды. Кішкентай кітапқұмар оқырмандарды Кітап ханшайымымен бірге ертегі кейіпкерлері қарсы алды. Қатысушылар ертегі кейіпкерлерімен бірге қызықты тапсырмаларды орындауға тырысты.
Ең бастысы «Жазғы Kitap Tok» облыстық жазғы оқу байқауының жеңімпаздары марапатталды. Байқаудың шартына сай екі номинация бойынша жұмыстарын орындаған ең белсенді оқырмандар алғыс хаттармен және сыйлықтармен марапатталды.
Шараның жоғары деңгейде өтуіне өз үлестерін қосып, демеушілік жасаған «Сandy kids» дүкенінің иесі Дюйсенова Самал Сериковна, «iSmart» аксессуарлар дүкенінің иесі Байбулова Шынар, жеке кәсіпкер Біләлханова Айдана Амангелдіқызына және кішкентай оқырмандарды марапаттауға арнайы келген жас ақын, С.Аманжолов атындағы ШҚУ студенті Нұрымхан Бекарыс Энгельсұлына алғыс білдіреміз.
