Наталья Николаевна Викс 1977 жылғы 25 ақпанда Шығыс Қазақстан облысы Өскемен қаласында дүниеге келген. Қазақстанда және Түркияда (Анталия қ.) тұрады. Ақын, прозашы, эссеист, Ресей Жазушылар Одағының және «Звено Алтая» Шығыс Қазақстан әдеби бірлестігінің мүшесі. Мұғалімдер отбасында дүниеге келген ол жеті жасынан бастап өлең жаза бастады. Жоғары білімді, Шығыс Қазақстан мемлекеттік университетінің филология факультетін бітірген.
Алғашқы өлеңдері «Рудный Алтай» газетінде және «Ақ Ертіс» альманағында жарияланды. Наталья Николаевна – Қазақстандық және Ресейлік поэтикалық конкурстардың лауреаты, «Жемчужные чётки» және «Жар-птица» атты жыр жинақтарының авторы, «Золотое перо Руси» («Ресейдің алтын қаламы») байқауының жеңімпазы. Шығыс Қазақстандық альманақтар мен жинақтарда көптеген өлеңдері жарияланған, әртүрлі номинациялар бойынша лауреат, соның ішінде «Поэт года 2012», «Поэт года 2013», «Поэт года 2014», «Поэт года 2015», «Поэт года 2020», «Наследие 2015», «Наследие 2016» және т.б. Оның өлеңдері «Русского Общества Анталии» сайтында да жарық көрген. Соңғы уақытта Наталья Николаевна балаларға арналған өлеңдер мен ертегілер жаза бастады. Мысалы, «Солнечный круг: писатели Восточного Казахстана – детям» жинағына оның «Иван – железные кости» ертегісі мен өлеңдері енген. Наталья Викстің өлеңдеріне жергілікті бардтар ән жазуға қуана кіріседі, себебі оның поэзиясы тарихи әрі мистикалық тұрғыдан көпқабатты, әуезді. Наталья Николаевнаның сүйікті хоббиі – майлы бояумен сурет салу және жібек лентамен жастық, сурет, панно кестелеу.
Н.Н. Викстің шығармалары
Кітаптар:
- Викс, Н. Жар-птица: стихотворения / Н. Викс. – Усть-Каменогорск: ИП Аникин Б. П., 2016. – 212 с.
- Викс Н. Жемчужные четки: лирический альбом / Н. Викс. – Усть-Каменогорск: ВКПК АРГО, 2020. – 106 с.: ил. – (Изумрудный Алтай)
- Викс, Н. Чудо на каждом шагу: книга стихотворений / Н. Викс. – Усть-Каменогорск: ВКПК АРГО, 2023. – 376 с.: портр. – (Звено Алтая: к 100-летию; т. 4).
- Викс Н. Иван – железные кости / Н. Викс. – Усть-Каменогорск: ВКПК АРГО, 2024. – 44 с.: ил.
- Викс Н. Гостинцы для синицы / Н. Викс. – Усть-Каменогорск: ВКПК АРГО, 2025. – 40 с.: ил.
Жинақтар мен мерзімді басылымдар:
- Викс Н. Серафимы. Эдельвейсы: стихотворения / Н. Викс // Бег времен – Жастықтың оты жалындап: өлеңдер. – Нұр-Сұлтан: Фолиант, 2019. – 400 с. – (Абай әлемі) – Б. 356-357.
- Викс Н. Иван – железные кости: сказка, стихотворения / Н. Викс // Солнечный круг: писатели Восточного Казахстана – детям: к 100-летию Восточно-Казахстанского литературного объединения “Звено Алтая”. – Барнаул; Усть-Каменогорск: Типография управления делами Администрации Алтайского края, 2020. – 400 с. : ил. – Б. 46-55.
- Викс Н. Стихотворения / Н. Викс // Алтай Изумрудный: независимый литературно-художественный журнал. № 1. – Усть-Каменогорск: ВКПК АРГО, 2022.
