Жас ұрпақтың сөйлеу тілін жетілдіру, патриоттық сезімін ояту, тілін сүюге, ардақтай білуге тәрбиелеу біздің басты талабымыз. Осыған орай Қазақстан халқының тілдер күні мерекесі аясында Зәки Ахметов атындағы №16 орта мектебінің 6 «Б» сынып оқушыларына «Тілдер патшалығы» атты зияткерлік сайыс өткізілді.«Зымыран сұрақтар», «Жеті жұрттың тілін біл», «Жүйрік болсаң, шауып көр», «Ойлы болсаң, озып көр» атты төрт кезеңнен тұратын шарада қатысушылар білім дейгейлерінің жоғары екендіктерін көрсете білді. Байқау шартына сәйкес оқушылар жұмбақтардың жауабын үш тілде жарыса жеткізіп, сөз тіркестерін мүдірмей тауып, мақал-мәтел айтудан да сынға түсті.Зияткерлік сайыс нәтижесінде тапқырлықтарымен танылған оқушыларға өңірлік жазушылардың кітаптары және тарихи фильмдер жинақталған дискілер сыйға тартылды.Сондай-ақ, шара соңында кітапхана қорындағы тіл білімі жайлы энциклопедиялық кітаптар таныстырылды. Оқушылар арасында қызығушылық тудырған бұндай шаралар алдағы уақытта да жалғасын табады.
