Тәуелсіздік – ол біздің ең басты құндылығымыз. Еліміздің тәуелсіздік алу жолындағы ата – бабаларымыздың ерлігін паш ету, өскелең ұрпаққа желтоқсан құрбандарымен, желтоқсан оқиғасына қатысқан аға – апаларымыздың ерлігін үлгі етіп көрсету біздің басты міндетіміз.
Кітапханада Тәуелсіздік күніне орай «Тәуелсіздік елімнің ерлік жолы» атты интерактивті кітап көрмесі ұйымдастырылды.Көрмеге мемлекетіміздің қалыптасу кезеңдері, егемендік тарихындағы маңызды сәттерді баяндайтын және өткеніміздің жарқын жақтарын көрсететін тарихи кітаптар мен мерзімдік басылымдарға шыққан материалдары ұсынылды. Оқырмандарға Халық жазушысы М. Шахановтың “Желтоқсан эпопеясы” атты үш томдық романы, «Желтоқсан көтерілісі» атты көп томдық-айғақ кітабы және әлемдік ауқымда айрықша бетбұрыс нышаны болған 1986 жылғы Желтоқсан көтерілісі жайлы кітаптар топтамасы таныстырылды.
