Шығыс Қазақстан облыстық балалар және жасөспірімдер кітапханасы ҚР Тәуелсіздік күніне орай «Император» сауда кешенінде «Тәуелсіздік елімнің ерлік жолы» атты көрме -инсталляция ұйымдастырды. Іс-шараның басты мақсаты, оның тарихы мен экономика, мәдениет, ғылым және әлеуметтік даму салаларындағы жетістіктерін насихаттау, өз елі үшін мақтаныш сезімін қалыптастыру, сондай-ақ жастар арасында патриотизмге тәрбиелеу болды. Кітап көрмеде мемлекеттің қалыптасуының әртүрлі кезеңдеріне сәйкес келетін, үш онжылдыққа бөлінген елдің егемендік тарихындағы маңызды сәттерді баяндайтын және өткеніміздің жарқын жақтарын көрсететін кітап басылымдары ұсынылды. Шара бағдарламасы ҚР Тәуелсіздік күніне арналған флешмобпен ашылды.
Зияткерлік аймақ қазақ тарихы, әдебиеті мен мәдениетінің білгірлерін анықтайтын викториналар мен конкурстарға қатысуды ұсынды. Қатысушылар кітап көрмеде ұсынылған әдебиеттерді пайдалана отырып сұрақтарға жауап беруге тырысты. Сондай-ақ мерекелік шара барысында музыкалық нөмірлер орындалды.
