Кітапханамызда ақын, жазушы, ҚР Жазушылар одағының мүшесі, Мәдениет саласының үздігі, Халықаралық Поэзия Академиясының Академигі «QUNDAQ» ҚҚ директоры Ербол Бейілхан қонақта болып, кітапханашылармен сұхбаттасып қайтты. Кездесу барысында кітапхана орталықтарының жұмыстарымен толығырақ танысып, тыныс-тіршілігінен хабардар болды. Қаламгер мен кітапханашылар арасында еркін сұхбат құрылып, бүгінгі таңдағы өзекті мәселенің бірі сауатты оқырмандарды қалыптастыру төңірегінде кеңінен әңгіме өрбіді. Ербол Бимұратұлының қолдауымен алдағы уақытта республика көлеміндегі балалар жазушыларымен байланысқа шығып, қазақ тіліндегі балаларға арналған кітаптармен кітапхана қорын толықтыру жүзеге асырылмақ. Кездесу аясында қаламгер өз талғамымен балаларға арналған кітаптардан ең үздік сұраныстағы шығармаларды таңдап алып, оқырмандарға оқуға беруге ұсыныс білдірді. Алдағы уақытта жазушы ұсынған бұл туындылар бір ай көлемінде оқырмандарға таныстырылады. Жылы жүздесу соңында Ербол Бимұратұлы өзінің «Құсқанаты» атты кітабын кітапханаға сыйға тартып, авторлық келісімшартқа қол қойды, ұжымға ризашылығын білдірді.
