Ғажайып ғарыш әлемінің ашылмаған құпиясы қаншама. Бүгін кітапхана төрінде болашақта зейінді зерттеуші болам дейтін кішкентай таланттылар ғылым апталығының ашылуына қатысып, қуанышқа кенеліп қайтты.
Аспан әлемінің сан алуан жаңалығын жатқа білетін Жұлдызша мен таңғажайып өнерімен тамсандырған Сиқыршы алғыр оқушыларға түрлі қызықты тапсырмалар жасырып, қағаз қиындылардан тұратын зымырын бөліктерін құратты.
Мерекелік шараға оқымысты Ай да қонаққа келіп, өз өнерін ортаға салып, балалармен дөңгелене би биледі.
Сондай-ақ білгір оқушылар “Есеп-қисап”, “Шарды үрле”, “Тепе-теңдікті сақта!”, “Планета Time”, “Сөзжұмбақ пен дос бол!” сияқты ойындарын ойнап, көңілді тарқасты.
