Кітапхананың жас оқырмандары үшін олардың білімін, іскерлігін, ойлау қабілетін, белсенділігін нығайтуға ықпал ету мақсатында «Қызық екен» танымдық-зияткерлік ойыны ұйымдастырылды. Бұл ойында балалар өлкеміздің аты аңызға айналған қасиетті, киелі жерлері жайлы мәліметтер алып, олардың пайда болу тарихымен танысты. Мысалы, «Кітап әлемі» бөлімінде балалар жерлес ақын-жазушылардың шығармашылығымен танысып, осы жылы жарыққа шыққан кітапхана қорындағы жаңа кітаптармен танысты. Ал «Мәссаған» бөлімінен қатысушылар адамдар мен қоршаған орта жайлы қызықты әрі таңғажайып ақпараттармен бөлісті. Екі топқа бөлінген балалар «Біздің аймақ», «Кітап әлемі», «Мәссаған» атты үш бөлімде бақ сынады. Ойыншылардың жауаптары жұлдызшалар арқылы бағаланып, белсенділік танытқан топ алғыс хатпен марапатталды.
