16 маусым күні ШҚО балалар және жасөспірімдер кітапханасы ҚР Тәуелсіздігінің 30 жылдығына орай зум платформасында облыстық жас ақындардың қатысуымен «Ұлттық рух жастар поэзиясында» атты онлайн кездесу ұйымдастырды. Кездесудің басты мақсаты ел егемендігінің жастар шығармашылығындағы көрінісін көпшілік оқырманға таныстыру болды. Шара барысында жас ақындар шығармашылығының бүгінгі беталысы сөз болып, жаңа өлеңдер оқылды. Сондай-ақ, ағымдағы – «Қазақстандағы балалар мен жасөспірімдердің кітап оқуын қолдау жылы» аясында шығысқазақстандық ақындар балаларға арнап өз топтама өлеңдерін ұсынуды жоспарлаған болатын, сол жоспар бойынша атқарылып жатқан жұмыстарға талдау жасалды.
