«Соғыс естеліктері. В Память о войне» атты мазмұнды кітап көрмесі
9 мамыр Ұлы Жеңістің 80 жылдығына орай «Гостинный двор» сауда кешенінде Облыстық балалар және жасөспірімдер кітапханасының ұйымдастыруымен «Соғыс естеліктері. В Память о войне» атты мазмұнды кітап көрмесі өтті. Бұл іс-шара – тарихқа тағзым, ерлікке құрмет, ұрпаққа аманат ретінде өткізілді.
Көрмеде Қазақстанның қаһарман ұл-қыздары – Бауыржан Момышұлы, Әлия Молдағұлова, Мәншүк Мәметова, Рахымжан Қошқарбаев,Талғат Бигелдинов, Қасым Қайсенов сынды батырлардың өмірі мен ерлігін баяндайтын кітаптар жұртшылық назарына ұсынылды. Әрбір кітап – тарихпен тілдескендей, әр беті – ерлік пен патриотизмнің жарқын үлгісіндей әсер қалдырды.
Сонымен қатар, келушілер соғыс жылдарында қолданылған шинель, каска, фляжка, граната сынды жауынгерлік заттарды көріп, хаттарын оқып сол бір сұрапыл жылдардың рухын сезінді. Бұл тарихи жәдігерлер көрмені ерекше әсерлі етті.
Іс-шара қала тұрғындары мен оқырмандардың жүрегіне отансүйгіштік пен елге деген махаббатты қалыптастыруға ықпал етеді. Кітап көрмесі – батырлар ерлігін мәңгі есте сақтау жолындағы маңызды қадам болды.
«80 жеңіс кітабы. 80 книг Победы» желілік акциясы
Жеңістің мерейтойлық жылы аясында Шығыс Қазақстан облыстық балалар және жасөспірімдер кітапханасы «80 жеңіс кітабы. 80 книг Победы» атты желілік акцияны бастайды.
Тарихи оқиғаның құрметіне жыл бойы кітапханамыздың қорында сақталған Ұлы Отан соғысы туралы шығармалармен таныстырып отырамыз. Бұл — ересектер мен балаларға арналған көркем және деректі әдебиеттер, сонымен қатар соғысты өз көзімен көрген авторлардың туындылары.
Әрбір оқырман акцияға қатыса алады: біздің жазбамыздың астына өзі ұсынатын кітабының атауын қалдыру жеткілікті. Бұл кітап туралы ақпарат акция аясында жарияланады.
Жыл соңында виртуалды «Мәңгілік кітап полкі» толық құрамда «Жеңіске 80 жыл — Соғыс туралы 80 кітап» көрмесінде ұсынылады.
Батырлықпен өрілген тарихты бірге сақтайық! Қосылыңыздар!
«Ұлы Отан соғысының тарихи жады: азамат пен оқырманды тәрбиелеу тәжірибелері» семинар-практикумы
25 сәуір күні балалар және жасөспірімдермен жұмыс істейтін облыстық кітапхана мамандарына арналған «Ұлы Отан соғысының тарихи естеліктері: азамат пен оқырманды тәрбиелеу тәжірибелері» атты семинар-практикум өтті. Іс-шараны кітапхана директорының орынбасары Г.А. Қазымова құттықтау сөзімен ашты.
Семинардың мазмұнды бағдарламасы өскелең ұрпақты патриоттық рухта тәрбиелеуге бағытталған әртүрлі жұмыс түрлерін қамтыды:
– «Шығыс Қазақстан соғыс жылдарында: адамдар, ерліктер, жады» атты дәріс;
– ШҚ ОБЖК тәжірибесінен алынған «Ұрпақтар есінде: қазіргі оқырманмен шығысқазақстандық батырлар туралы әңгіме» атты хабарлама;
– Новосібір қаласындағы Мемлекеттік бюджеттік мәдениет мекемесі «Облыстық балалар кітапханасының» «Атамның медальдары» атты отбасы және өлкетану акциясы материалдары негізінде дайындалған «Патриоттық тәрбиедегі жаңа технологиялар мен заманауи тәсілдерді қолдану» атты бейне-хабарлама;
– «Шығысқазақстандықтар – Ұлы Отан соғысының батырлары» атты өлкетану ойыны;
– «Ұлы Жеңіске апарар жол. Соғыс плакаттары» атты көрменің шолуы.
Семинардың жарқын сәттерінің бірі – И.В. Дурновоның «Гвардеец» кітабының тұсаукесері болды. Іс-шара «Ахтунг! Покрышкин!» атты деректі фильмді көрсетумен аяқталды.
Семинарға барлығы 40 адам қатысты.
Биыл біз 1941–1945 жылдардағы Ұлы Отан соғысындағы Жеңістің 80 жылдық мерейтойын атап өтеміз!
Бұл күн – біздің жадымызда ең жарқын да қастерлі мерекеміз болып қалады. Жеңісті сыйлаған ер-жауынгерлерге деген тағзым, мақтаныш және шексіз алғыс әр кезеңдегі ұрпақ өкілдерін біріктіреді.
ШҚ ОБЖК «Жадында, жүрегінде, кітаптарда. В памяти, в сердце, в книгах» атты облыстық бір мезгілде дауыстап оқу акциясының бастамашысы болды. Акция ұлы Жеңістің 80 жылдық мерейтойына арналды.
Акцияның мақсаты – балалар мен жасөспірімдерді Ұлы Отан соғысы туралы балалар әдебиетінің үздік үлгілері арқылы патриоттық рухта тәрбиелеу, сондай-ақ облыстың балалар және жасөспірімдерге қызмет көрсететін кітапханаларының патриоттық мазмұндағы кітаптар мен оқуды насихаттау бойынша жұмысын жандандыру.
Акция 2025 жылғы 6 мамырда сағат 11:00–11:30 аралығында өткізілді. Бір уақытта кітапханаларда балалардың тұлғалық, интеллектуалдық және эстетикалық дамуына, оқырмандық мәдениетін қалыптастыруға ықпал ететін кітаптарды 30 минут бойы дауыстап оқу ұйымдастырылды. Кітапханашылар, педагогтар, ата-аналар түрлі жастағы балаларды соғыс тақырыбындағы балалар әдебиетінің үздік туындыларымен таныстырды.
Акцияға өңірдің 19 кітапханасынан оқырмандар қатысты:
ШҚ ОБЖК, Ұлан аудандық кітапханалар жүйесі (Айыртау, Таврия, Садыр, Бозанбай кітапханалары), Алтай қ. БОК (Серебрянск қ. №3 кітапхана-бөлімі, Новая Бухтарма п. №4 бөлім), Шемонаиха ОКЖ, Шемонаиха аудандық балалар кітапханасы, Ақжар ДБ, Белоусовка, Волчанка, Камышенка, Октябрь, Каменевка, Первомай ауылдық кітапханалары, «Дарынды балаларға арналған валеологиялық мамандандырылған мектеп-комплексі» және «№34 мектеп-лицейі» КММ оқушылары.
Балалардың жас ерекшеліктеріне сәйкес келетін шығармалар таңдалды:
Б. Момышұлы «Біздің генерал», Қ. Қайсенов «Мальчик в тылу врага», Н. Шушаков «У обелиска», Р. Рождественский «Реквием», В. Катаев «Сын полка», А. Митяев «Книга будущих командиров», Ж. Жабаев «Жауға оқ», «Ленинградцы, дети мои!», Т. Троеглазова «Дороги войны», «На обелиске», М. Жұмабаев «Забудут люди, но помнят потомки», А. Иванов «Как Андрейка на фронт бегал», К. Симонов «Третий адъютант», А. Митяев «Мешок овсянки», Л. Пантелеев «Маринка», Л. Кассиль «Батарейный заяц», А. Платонов «Маленький солдат», В. Карасева «Шарик», В. Железников «В старом танке», А. Твардовский «Рассказ танкиста» және т.б.
Кітапханалардың әлеуметтік желідегі парақшаларында #ЧИТАЕМ ВМЕСТЕ, #БІРГЕ ОҚИМЫЗ, #ШҚОБЖК, #ВКОДЮБ хэштегтерімен есептер жарияланды.
Мерейтойлық даталарға арналған ауқымды іс-шаралар жастардың тарихи санасын тереңдетуге және өңірдегі рухани мәдениетті кеңінен ілгерілетуге ықпал етеді.
Облыс бойынша акцияға 390 адам қатысты.
04.07.2025
Жеңістің 80 жылдығына орай ардагер, Жапонияға қарсы соғыс қимылдарына қатысушы, биыл 98 жасқа толатын Михаил Яковлевич Головатюкпен кездесу өтті.
Әңгімелесуге себеп болған – Ә. Әубәкіровтың кітапхана қорына сыйға тартқан «Человек эпохи» кітабы. Бұл басылым тағдыры тұтас бір ұрпақтың ерлігін көрсеткен тұлға Михаил Яковлевичтің өміріне арналған. Михаил Яковлевич Қиыр Шығыстағы ұрыстарға қатысып, 579-атқыштар полкінде қызмет етті. Оның қайсарлығы, туған жеріне жанқиярлықпен берілгендігі – жеңімпаздардың ерлігінің, абыройы мен жанқиярлығының жанды үлгісі. Әңгіме барысында бейбітшіліктің ұлы құндылығы, Отан алдындағы жауапкершілік, ардагерлердің бүгінгі ұрпаққа жеткізетін рухани мұрасы туралы тақырыптарды қозғадық. Алайда, Михаил Яковлевичтің әңгімесі майдандағы ерліктің бірі ғана емес. Соғыстан кейін ағаш ұстасы, жүргізуші, металлург мамандықтарын игеріп, азаматтық еңбекке ден қойды. Ол 30 жылдан астам қорғасын-мырыш балқыту зауытында еңбек етіп, саланың дамуына зор үлес қосты. Адал еңбегі үшін оған «Еңбек ардагері», «Еңбек сіңірген металлург» құрметті атақтары берілді. 2025 жыл Қазақстанда «Жұмысшы мамандықтар жылы» деп жарияланғанына байланысты бұл кездесу ерекше маңызға ие болды. Михаил Яковлевич жастарға өмірлік еңбекті, еңбек абыройын, кәсіби шеберлікті саналы түрде таңдаудың маңыздылығы туралы қоштасу сөз сөйледі. Бұл кездесу бейбітшілік үшін күрескен және оны өз қолдарымен тұрғызғандардың барлығына деген шексіз алғыс пен құрметтің көрінісі болды. Михаил Яковлевич Головатюктің ерлік істері мен еңбегін еске алу болашақ ұрпақтың жүрегінде сақталады.
02.07.2025
Кітапхана қызметкерлері Ұлы Отан соғысының ардагері, жерлес жазушы, 101 жастағы Құрмат Рахимовпен жүздесті. Қадірлі ақсақал жасының ұлғайғанына қарамастан ақжарқын, ойы сергек екенін танытып, кітапханашылармен сырлас, бейресми жағдайда жылы сұхбаттасты. Алғыс ретінде «Күршімде туған» атты кітабын кітапхана ұжымына өз қолтаңбасымен сыйға тартты. Шара қорытындысы бойынша кітапхана қызметкерлері Құрмат Рахимов бейнеленген қабырға суретін тамашалады. Жол бойы олар жергілікті тұрғындарға ардагер жазушының өмірі мен шығармашылығы туралы әңгімелеп, оның кітабы туралы қызықты деректермен бөлісті, сол арқылы тұрғындарды туған өлкесінің тірі тарихымен байланыстырды.
18.06.2025
Ұлы Жеңістің 80 жылдығына орай кітапхана қызметкерлері қала тұрғындарына жерлес жазушы, соғыс ардагері, партизан, Халық қаһарманы Қасым Қайсенов туралы «Ерліктің ерен тұлғасы» танымдық сағатын өткізді. Шара барысында оқырмандарға сұрапыл соғыс кезеңінің шындығын қаз-қалпында хатқа түсірген қаламгер Қасым Қайсеновтің кітаптары таныстырылып, батыр өмірінен сыр шертілді. Әділдік пен шынайылықты ту еткен қаһарманның ел басына күн туған қиын-қыстау кезеңнен қалай аман шыққаны туралы айтылып, кітаптарынан үзінді оқылды.
06.05.2025
Бүгін кітапханада ұйымдастырылған «Жадында, жүрегінде, кітаптарда. В памяти, в сердце, в книгах» облыстық бір мезгілде дауыстап оқу акциясы Қасым Қайсеновтың қаһармандық жолына арналған шығармаларына арналды. Бұл шара партизан жауынгердің ерлігіне, оның елге деген адалдығы мен тарихтағы орнына құрмет көрсету мақсатында өткізілді. «С.Аманжолов атындағы Шығыс Қазақстан университеті» КЕ АҚ Жоғары колледж студенттері батырға арналған «Аға туралы сөз» шығармасынан үзінділер оқыды. Олар Қ.Қайсеновтың ерлігі мен ұлттық рухқа әсері туралы ойларымен бөлісті.
29.04.2025
Бүгін облыстық балалар және жасөспірімдер кітапханасында No34 мектеп – гимназия оқушылары мен Кузбасс мемлекеттік балалар және жасөспірімдер кітапханасының оқырмандарының арасында халықаралық онлайн кездесуі өтті. «Имена, достойные памяти» – әскери-тарихи мінбер осылай аталды. Бұл жерде балалар Кеңес Одағының Батыры Ізғұтты Айтықовтың ерлік тағдыры мен 2022 жылы Кемерово қаласында салынған мемориалдық кешен туралы білді.
Ізғұттының балалық және жастық шағы, соғыс жылдарындағы ерліктері туралы презентация жасалып, А.Сурковтың ол туралы өлеңі оқылды. Кемерово қаласының балалары Берлинде үш жасар қызды құтқарған Николай Мосоловтың ерлігі туралы П.Ворошиловтың кітабынан үзінді оқыды. Осының құрметіне Берлинде, кейін Кемерово қаласында ескерткіш орнатылды. «Десятый наш десантный батальон» әні шырқалды. Кездесу бір минуттық үнсіздікпен аяқталды.
24.04.2025
Кітапханада И.В.Дурновоның «Гвардеец» кітабының тұсаукесері өтті. Шараға қаланың зиялы қауым өкілдері мен студенттер қатысты. «Гвардеец» кітабының тұсаукесері Андрей Викторович Потаповтың туғанына 100 жыл толуына орайластырылды. Ирина Васильевна осы кітапты жазуға көмектескен қызықты сәттер мен естеліктер туралы айтты. Шақырылған қонақтар да осы шығарма туралы өз пікірлерін білдірді. Кітап кітапхана қорында лайықты орын алады.
