1 наурыз – көктемнің алғашқы күні – елімізде ізет пен құрметке толы алғыс айту күні.
Бүгін кітапхана қызметкерлері қала мектептерінің 5 сынып оқушыларына арнап бірлік пен достықтың жарқын мерекесі – Алғыс айту күнінде әдеби мозаика өткізді.
Шара барысында оқушыларға мерекенің шығу тарихынан мағлұматтар беріліп, ұлттық өнер мен мәдениетті дәріптеу мақсатында ұлттық ойындар атап айтсақ «арқан тартыс», «асық ату», «бес тас» ойындары ұйымдастырылды.
Сондай-ақ, «Кітап біздің досымыз», «Өзіңді тексер» ұяшықтарынан тапсырмалар орындатылып, шара соңында қазақ күйлері жайлы ақпарат берілді.
Қатысушылар достық туралы әнді караокеде шырқап, тақырыпқа сай кітап көрмесімен де танысты.
