“Бірлік бар жерде – тірлік бар” деп, дана халқымыз бекер айтпаса керек. Біздің елімізде қалыптасқан ұлттар тұтастығы мен халықтар достығының арқасында бүгінде мемлекетіміз өркендеп, ілгері дамып келеді. Айтулы мереке аясында кітапхана қызметкерлері Шығыс Өңірлік қолбасшылығының 5518 әскери бөлімінің офицерлік құрамының қатысуымен “Татулықтың тұрағы” атты кітапханалық журфикс ұйымдастырды. Шара барысында басқарманың офицерлері бірнеше топқа бөлініп, “Тапқыр достар”, “Береке бастауы бірлік”, ұяшықтарында берілген бауырлас ұлт өкілдерінің салт-дәстүрлерінен сыр шертетін түрлі тапсырмаларды орындап, топтардың өзара ұйымшылдықтарын айқындайтын “Шатасқан әріптер”, “Біз біргеміз!”, “Мерген” сайыстарында да суырылып алға шықты. Мерекелік сайыс нәтижесінде “Батыр жігіттер” тобы 3 орын, “Айбын” тобы жүлделі 2 орынды иеленсе, үздік деп танылған “Сұңқар” тобы білім бәйгесінің жеңімпазы атанып, әскери қызметкерлер кітапхана әкімшілігі атынан мақтау грамоталарымен марапатталды. Шара соңы әсем әнмен жалғасып, кештің көркі ажарлана түсті.
