«Bastau» қазақ тілін үйренушілерге арналған үйірменің кезекті сабағы 1 мамыр – Қазақстан халықтарының бірлігі күніне арналды. Оқушыларға достығы жарасқан түрлі ұлт өкілдерінің алтын бесігіне айналған кең байтақ еліміз туралы ақпараттар берілді. Сонымен қатар сөздік қорларын арттыру мақсатында әр ұлтқа қатысты заттардың атауын атап, ұлттық ойындар ойналды. Балалар «достық», «бірлік», «бейбітшілік» сөздері бойынша қысқаша әңгіме құрастырып, басқа ұлт өкілдерінің салт-дәстүрлері, мәдениетінен ақпараттар алды.
