Қазіргі таңда оқушылармен кері байланыс жасаудың ең тиімді әдістерінің бірі Kahoot. Kahoot – білім беру үрдісінде мектеп пен жоғары оқу орнында пайдаланылатын ойынға негізделген онлайн оқыту платформасы. Платформа арқылы интерактивті сұрақтар мен тапсырмалар құрастыру, білім деңгейін бағалау және тіпті конкурс немесе викторина өткізу мүмкіндіктері бар.
Кітапханада «Өрлеу» ҰЦПК АҚ «Шығыс Қазақстан облысы бойынша педагогикалық қызметкерлеріне Kahoot дидактикалық ойынын жасалу жолдары үйретілді. Осы сабақ нәтижесінде, педагогтар Kahoot-ты сабақтарына қалай тиімді енгізуге болатындығын, ойын элементтерін қолдана отырып, оқушылармен кері байланысты қалай нығайту керектігін үйренді. Бұл әдіс, әсіресе, жастар арасында танымал болып, оқуға деген ынтаны арттыруға ықпал етеді.
