Бүгін кітапханамызға – киелі шаңырағымызға қазақ әдебиеті мен мәдениеті үшін жан аямай еңбек етіп жүрген мүйізі қарағайдай қаламгерлер қауымы қонаққа келіп, әсерлі әдеби әңгімеге шөлдеген шығыс жұртының шөлін бір қандырды.
Облысымызда осымен екінші рет ұйымдастырылған «Төр Алтай жырлайды» атты дәстүрлі поэзия фестивалінің құрметті қонақтары кездесу барысында Қазақстан
Жазушылар одағының атқарып жатқан жұмыстары, биылғы әдеби жыл қорытындысы туралы, өз шығармашылығы жайлы әңгімелеп, оқырман сауалдарына жауап берді.
Ән мен жырдан шашу шашылған әдеби кездесуден кітапхана оқырмандары қимастықпен тарқасты.
