Қасым Қайсенов – ерлікті аңсаған жас ұрпақтың ең сүйікті кейіпкері. Шын батырға халықтың қошеметі мен махаббатынан артық не керегі бар. Бүгін кітапхана қызметкерлері “Кітап шоу-2023″фестивалі аясында Өскемен қаласы әкімдігінің Қ.Нұрғалиев атындағы №43 мектеп-лицейінің 6 сынып оқушыларына арнап Қазақстанның Халық қаһарманы, жазушы, партизан Қасым Қайсеновтың туғанына 105 жыл толуына орай «Ел рухын көтерген ер» атты әдеби дилижанс өткізіп қайтты. Шара барысында Жазушының өміріне тоқтала отырып, Ұлы отан соғысының тарихынан бастап, елдегі болған оқиғаға және оның құрбандары жайлы ақпараттар берілді. Қатысушылар карта арқылы майдан даласына саяхат жасай отырып бекеттердегі тапсырмаларды орындады. «Тарих», «Тау мен дала», «Әдебиет» атты бекеттерде Қасым Қайсеновтың өмір деректері мен шығармаларынан қойылған сұрақтарға жылдам әрі нақты жауап беріп, өз білімдерін көрсетті. Шара соңында «Қасым» фильмінен үзілді көрсетілді.
